عنوان: مرکزی رویت ہلال کمیٹی کا فیصلہ ماننا شرعاً لازم ہے (10368-No)

سوال: ہمارے بلوچستان میں کبھی کبھار بعض علماء روزے یا عید کا اعلان کرتے ہیں، لیکن مرکزی رؤیت ہلال کمیٹی نے اعلان نہیں کیا ہوتا ہے تو ایسی صورت میں مرکزی رؤیت ہلال کمیٹی کی اتباع ہم پر لازم ہے یا اپنےعلاقے کے علمائے کرام کی؟

جواب: واضح رہے کہ مرکزی رویت ہلال کمیٹی کو چونکہ ولایتِ عامہ حاصل ہے، اس لیے رویت ہلال (چاند دیکھنے) کے تعین کے بارے میں مرکزی رویت ہلال کمیٹی کا فیصلہ معتبر ہے اور مرکزی رویت ہلال کمیٹی کے فیصلہ کی پاس داری کرنا ملک کے باشندوں پر لازم ہے۔ مرکزی رویت ہلال کمیٹی کے علاوہ کسی بھی غیر سرکاری کمیٹی کو چونکہ ولایتِ عامہ حاصل نہیں ہے، اس لیے ان (غیر سرکاری کمیٹیوں) کا فیصلہ دوسرے لوگوں کے لیے حجت نہیں ہے۔
لہذا مقامی علمائے کرام کے فیصلے کے بجائے مرکزی رویت ہلال کمیٹی کے فیصلے پر عمل کیا جائے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:

الفتاوى التاتارخانية: (366/3، ط: مكتبة زكريا)
الفتاوی النسفیة: سئل عن قضاء القاضي برؤیة هلال شهر رمضان بشهادة شاهدین عند الاشتباه في مصر، هل یجوز لأهل مصر آخر العمل بحکمهم؟ فقال:لا، ولایکون مصرآخر تبعاً لهذا المصر، إنما سکان هذا المصر وقراها یکون تبعاً لهم.

جواهر الفقه: (484/3، ط: مکتبة دار العلوم کراتشي)

واللہ تعالیٰ اعلم بالصواب
دارالافتاء الاخلاص،کراچی

Print Full Screen Views: 347 Mar 13, 2023
markazi royat /rowiat / rowiyat hilal commette ka faisla manna sharan / shar an lazim hai

Find here answers of your daily concerns or questions about daily life according to Islam and Sharia. This category covers your asking about the category of Sawm (Fasting)

Managed by: Hamariweb.com / Islamuna.com

Copyright © Al-Ikhalsonline 2024.