سوال: اے اللہ! مجھے اپنے مقرب بندوں میں شامل فرما اور میری والدہ کو حور عین (جنتی عورتوں) میں سے بنادے۔ کیا یہ دعا صحیح ہے؟ اور اگر اس کا کوئی حوالہ ہے تو وہ بتادیں۔

جواب: کسی صحابی رسول صلی اللّٰہ علیہ وسلم کے قول یا فعل کو "حدیثِ موقوف" کہا جاتا ہے۔ سوال میں مذکور حدیث "موقوف" ہے اور یہ ایک صحابی حضرت ابو نحیلہ رضی اللّٰہ عنہ کی دعا ہے، اس حدیث کی سند "صحیح" ہے۔
حدیث کا مکمل ترجمہ حسب ذیل ہے:
حضرت ابو نحیلہ رضی اللّٰہ عنہ (ایک جہاد میں انہیں تیر لگ گیا اور وہ زخمی ہو گئے) تو ان سے کہا گیا: اللّٰہ تعالیٰ سے اپنے لیے دعا کیجیے، تو انہوں نے یہ دعا فرمائی: "اے اللہ! میرے مرض (درد) کو کمی فرما اور میرے اجر میں کمی نہ فرما"، ان سے دوبارہ کہا گیا: اپنے لیے دعا کیجیے، اپنے لیے دعا کیجیے، اس پر انہوں نے یہ دعا فرمائی: "اے اللہ! مجھے اپنے مقربین (خاص بندوں) میں شامل فرما دیجیے اور میری والدہ کو حور عین میں شامل فرما دیجیے"۔ (الأدب المفرد للبخاری: حدیث نمبر: 504)