سوال:
سنا ہے کہ غلاف کعبہ میں کسی شخص کا نام لکھنے سے اس بندے کا اللہ کے گھر میں بلاوا آجاتا ہے، کیا یہ حقیقت ہے؟
جواب: واضح رہے کہ مذکورہ عمل کا کسی حدیث سے ثبوت نہیں ملتا ہے، البتہ کسی کا اگر ذاتی تجربہ ایسا ہو اور اس سے فائدہ بھی پہنچتا ہو تو اس طرح کا عمل کر لینے میں کوئی حرج نہیں ہے، بشرطیکہ اس کو سنت یا واجب کا درجہ نہ دیا جائے اور اس کو لازم سمجھ کر اس کا اہتمام نہ کیا جائے۔
....................
دلائل:
تفسیر روح المعانی : (۲۱۳/۱۰،سورہ حج آیت :۲۷)
عن عبداللہ بن عباس قال ان ابراہیم علیہ السلام صعد ابا قبیس فوضع اصبعیہ فی اذنیہ ثم نادٰی یا ایھا الناس ان اللہ تعالیٰ کتب علیکم الحج فاجیبوا ربکم فاجابوہ بالتلبیۃ فی اصلاب الرجال وارحام النساء و اول من اجاب اھل الیمن فلیس حاج یحج من یومئذ الیٰ ان تقوم الساعۃ الا من اجاب یومئذ ابراہیم علیہ السلام
واللہ تعالٰی اعلم بالصواب
دارالافتاء الاخلاص،کراچی