سوال: مفتی صاحب! جیسا کہ آپ بھی جانتے ہیں کہ ہمارے معاشرے میں رسم و رواج بہت زیادہ رائج ہیں، کوئی بھی شخص یہاں تک کہ کوئی دین دار بھی ان رسم و رواج سے نہیں بچ سکتا ہے۔ آپ سے معلوم یہ کرنا ہے کہ شریعت نے ہمیں کتنی رسم و رواج پر چلنے کی اجازت دی ہے؟ نیز اس کی بھی وضاحت فرمادیں کہ کب رسم و رواج پر چل سکتے ہی اور کب نہیں چل سکتے؟

جواب: ہر مومن مسلمان کو اللہ اور اس کے رسول کے احکام کی اطاعت اور رسول اللہ ﷺ کی سنت کی پیروی کی فکر کرنی چاہیے، جہاں تک رسم و رواج کا سوال ہے تو لازم سمجھے اور ثواب کی امید رکھے بغیر اس شرط کے ساتھ اس پر چلنے کی گنجائش ہے کہ اس میں شرعی احکام اور رسول اللہ ﷺ کی سنت کی خلاف ورزی نہ ہوتی ہو، نیز اس میں کفار کی مشابہت نہ ہو اور وہ بدعت کے زُمرے میں داخل نہ ہو۔