سوال: کیا پہلے دن رمی زوال سے پہلے کرنا بہت ضروری ہے؟

جواب: پہلے دن کی رمی زوال سے پہلے ضروری نہیں ہے، البتہ طلوع آفتاب کے بعد سے زوال تک کرلینا مسنون ہے، اگر کوئی اس دوران رمی نہ کرسکے تو مغرب سے پہلے پہلے بھی بلا کراہت جائز ہے، البتہ بلا عذر مغرب سے تاخیر کرنا مکروہ ہے، تاہم اگر کسی عذر (مثلاً: مرض، کمزوری یا ازدحام وغیرہ) کی وجہ سے تاخیر ہوجائے تو مغرب کے بعد سے اگلے دن صبح صادق سے پہلے تک بھی اس کی ادائیگی بلا کراہت درست ہے۔