سوال: ایک عورت جو کہ صاحب نصاب نہ تھی، اس نے قربانی کی نیت سے جانور خریدا، پھر اس کے شوہر نے کہا کہ میں اس کی قربانی کروں گا، لیکن اس کے بعد اس کا خاوند فوت ہو گیا۔ اب یہ عورت قربانی اپنی طرف سے کرے یا اپنے خاوند کی طرف سے کرے؟

جواب: یاد رہے کہ اگر کوئی غیر صاحب نصاب شخص قربانی کی نیت سے جانور خریدے تو اس پر اس متعین جانور کی قربانی کرنا لازم ہو جاتا ہے اور اس کے لیے اس جانور کو فروخت کرنا یا ہدیہ کرنا جائز نہیں ہوتا۔
سوال میں پوچھی گئی صورت میں چونکہ آپ نے جانور اپنے لیے قربانی کی نیت سے خریدا ہے، اس لیے آپ پر لازم ہے کہ اس جانور کو اپنی طرف سے قربان کریں۔