سوال: میں نے سنا ہے کہ تین دن کے بعد نماز جنازہ نہیں ہوتی تو جس شخص کا انتقال بیرون ملک ہوجائے اور پاکستان لاتے میت کو تاخیر ہوجائے تو نماز جنازہ کا کیا حکم ہے؟

جواب: مستحب یہ ہے کہ مسلمان کا انتقال جس شہر میں ہو اسی شہر کے قبرستان میں اسے سپردِ خاک کیا جائے، کسی دوسرے شہر یا ملک بغیر کسی مجبوری کے منتقل کرنے کو فقہاء نے مکروہ لکھا ہے۔
میت کو منتقل کرنے سے پہلے اگر میت کی جنازہ نہیں پڑھی گئی ہو، یا اولیاء کی اجازت سے نہ پڑھی گئی ہو تو اس صورت میں دوسری جگہ منتقل کرنے کے بعد تدفین سے پہلے نماز جنازہ پڑھی جاسکتی ہے، اس میں دنوں کی کوئی حد متعین نہیں ہے۔