سوال:
ایک دوست کی طرف سے ایک سوال ہے کہ جیسے مسجد کے منبر کے آگے جگہ بنی ہوتی ہیں، جو مسجد کے حدود سے باہر ہوتی ہیں، وہاں پر لاش رکھ کر نماز جنازہ پڑھ سکتے ہیں، اگر جگہ باقی نہ ہو؟ اس بارے میں ذرا تفصیل سے بتا دیں۔ دوست نے کہیں سے سنا ہے کہ مسجد میں نماز جنازہ کی نماز کسی بھی صورت نہیں پڑھ سکتے ہیں، لاش اگر مسجد کی حدود سے باہر بھی رکھ دی جائے۔
جواب: واضح رہے کہ سخت مجبوری کے بغیر مسجد میں نماز جنازہ پڑھنا مکروہ ہے۔
البتہ اگر کوئی مجبوری ہو، مثلا : جگہ کی تنگی ہو یا مسلسل سخت بارش ہو رہی ہو یا نا قابل برداشت سخت دھوپ ہو وغیرہ، ان صورتوں میں نماز جنازہ مسجد میں ادا کرنے کی گنجائش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (226/2، ط: دار الفکر)
إنما تكره في المسجد بلا عذر، فإن كان فلا، ومن الأعذار المطر كما في الخانية والاعتكاف كما في المبسوط، كذا في الحلية وغيرها.
الھندیۃ: (165/1، ط: دار الفکر)
صلاة الجنازة في المسجد الذي تقام فيه الجماعة مكروهة سواء كان الميت والقوم في المسجد أو كان الميت خارج المسجد والقوم في المسجد أو كان الإمام مع بعض القوم خارج المسجد والقوم الباقي في المسجد أو الميت في المسجد والإمام والقوم خارج المسجد هو المختار، كذا في الخلاصة.
ولا تكره بعذر المطر ونحوه، هكذا في الكافي
واللہ تعالٰی اعلم بالصواب
دارالافتاء الاخلاص،کراچی