سوال: آج سے تقریبا تین سال پہلے بمورخہ 10 ,1 .2019 ہمارا رشتہ ہوچکا ہے۔ ہم پہلے سے بھی آپس میں رشتہ دار تھے، یعنی لڑکا لڑکی کے ماموں کا بیٹا تھا۔ لڑکی کے گھر والے سب راضی تھے اور ان سب نے ہاں کردی تھی، بعد میں رشتہ ٹوٹ گیا، پہلے اس کی ماں انکاری ہوگئی اور بعد میں لڑکی کے والد کے منہ سے یہ لفظ نکلا کہ اگر یہ رشتہ ہوگیا تو میں اپنی بیوی کو طلاق دوں گا۔ اب لڑکی کے والد سے ہماری بات دوبارہ چل رہی ہے۔ اگر ان کے والد راضی ہوگئے تو اس کی بیوی پر طلاق واقع ہونے میں کیا تفصیل ہے؟

جواب: پوچھی گئی صورت میں لڑکی کے والد نے اگر واقعتاً یہی الفاظ "اگر یہ رشتہ ہوگیا تو میں اپنی بیوی کو طلاق ‏دوں گا" کہے ہیں تو ان الفاظ سے کوئی طلاق واقع نہیں ہوئی اور اگر یہ رشتہ ہوجاتا ہے تب بھی ان کلمات کی وجہ سے ‏اس کی بیوی پر طلاق واقع نہیں ہوگی، البتہ آئندہ اس قسم کے الفاظ زبان پر لانے سے احتیاط کرنی چاہیے، نیز ان الفاظ کی وجہ سے اس شخص پر کوئی روزہ وغیرہ رکھنا لازم نہیں ہے۔