سوال:
میری ڈیڑھ سال کی بیٹی کا نام علشبہ فاطمہ ہے؟ کیا یہ نام رکھنا درست ہے؟ اور بڑی بیٹی جو پانچ سال کی ہے، اس کا نام عریشہ فاطمہ ہے۔ کیا یہ دونوں نام صحیح ہیں؟
جواب: 1) "عَلِشْبَہ" (عین کے زبر، لام کی زیر، شین کے سکون اور با کے زبر کے ساتھ) ایک بے معنی لفظ ہے، جبکہ "فاطمہ" حضور اکرم ﷺ کی بیٹی کا نام ہے، چونکہ نام کا پہلا حصہ علشبہ (Alishbah) بے معنی ہے، اس لئے بہتر یہ ہے کہ صرف فاطمہ نام رکھا جائے اور اگر اس کے ساتھ کوئی دوسرا لفظ ملانا ہو تو کوئی اچھے معنیٰ والا لفظ ملایا جائے۔
2) لفظ "عَرِیْشَہ" (عین کے زبر، را کی زیر، یا کے سکون اور شین کا زبر) کا معنی ہے پالکی، جبکہ "فاطمہ" حضور اکرم ﷺ کی بیٹی کا نام ہے، مذکورہ نام رکھنا جائز ہے، مگر چونکہ نام کے پہلے حصے عریشہ (Areeshah) کا کوئی بامقصد مطلب نہیں بنتا، اس لئے بہتر ہے یہ ہے کہ بچی کا نام صرف "فاطمہ" نام رکھ دیا جائے اور اگر اس کے ساتھ کوئی اور لفظ ملاکر مرکب نام رکھنا ہو تو پھر کوئی دوسرا اچھے معنی والا لفظ ملالیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفقه الإسلامي و أدلته: (643/3، ط: دار الفکر)
"ويجوز التسمية بأكثر من اسم واحد، والاقتصار على اسم واحد أولى، لفعله صلّى الله عليه وسلم بأولاده"۔
قاموس الوحید: (ص: 1066، ادارہ اسلامیات)
العریشہ: ہودہ، اونٹ پر رھنے کی پالکی۔
واللّٰه تعالٰی اعلم بالصواب
دارالافتاء الاخلاص،کراچی