سوال:
ضامن اور سُنییل نام رکھنا کیسا ہے؟ اور اس کا مطلب بھی بتادیں۔ جزاک اللہ
جواب: ۱) لفظ "ضامِنْ" (ضاد زبر، میم زیر، نون ساکن) کا معنی ہے ’’ذمہ یا ضمانت لینے والا‘‘، اس معنیٰ کے اعتبار سے لڑکے کا نام ضامن (Zaamin/Dhaamin)رکھنا درست ہے۔
۲) "سُنَییّل" (Sunayyil) اس لفظ کا معنی تلاش کے باوجود نہیں مل سکا، اس کے بجائے کوئی بامعنیٰ نام رکھ لیا جائے یا پھر حضراتِ انبیاء کرام یا صحابہ کرام کے ناموں میں سے کوئی نام رکھ لیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
المصباح المنير: (188/1، ط: المکتبة العصریة)
ضَمِنْتُ: المال وبه "ضَمَانًا" فأنا "ضَامِنٌ" و"ضَمِينٌ" التزمته۔
الصحاح تاج اللغة وصحاح العربية: (2155/6، ط: دار العلم)
[ ضمن ] ضمنت الشئ ضمانا: كفلت به، فأنا ضامن وضمين۔۔۔ وكل شئ جعلته في وعاء فقد ضمنته إياه.
والله تعالىٰ أعلم بالصواب
دارالإفتاء الإخلاص،کراچی