سوال: ایک مسئلہ پوچھنا ہے، یہ پندرہ اگست کا واقعہ ہے، رات کو دیر سے گھر آنے کی وجہ سے ننید پوری نہیں تھی، صبح میں ناشتہ کر کے ابو کے کمرے میں بیٹھ گیا، اتنے میں میری بیوی کا پیغام آیا کہ کمرے میں آؤ۔ میں اپنے کمرے میں گیا تو اس کا موڈ ٹھیک نہیں تھا، مجھ سے الجھ گئی، میرے سر میں پہلے سی ہی درد تھا، مجھے غصہ آگیا اور میں نے اسے تھپڑ مار دیا تو وہ چلانے لگ گئی، پھر میں نے اسے مارنا شروع کر دیا، مجھے اس وقت اتنا غصہ أیا تھاکہ میں نے اس کا سر دیوار پر جا مارا جس سے اس کا ہونٹ پھٹ گیا۔ میں اتنے زیادہ غصے کی کفیت میں تھا کہ میرا خود پر کوئی کنٹرول نہیں تھا، انجانے میں بنا کچھ سوچے سمجھے اپنی بیوی کو کہا "تمہیں میں طلاق دیتا ہوں، طلاق دیتا ہوں، طلاق دیتا ہوں" اور میں باہر نکل گیا، بعد میں میرے ہاتھ پاؤں پھول گئے اور میں پریشان ہو گیا، میں اپنی بیوی کے ساتھ رہنا چاہتا ہوں۔ آپ سے گزرش ہے کہ اس مسئلہ میں میری رہنمائی کریں۔

جواب: سوال میں پوچھی گئی صورت میں مذکورہ الفاظ کہنے سے تین طلاقیں واقع ہوکر حرمت مغلظہ ثابت ہوگئی ہے، اب نہ رجوع ہوسکتا ہے، اور نہ ہی دوبارہ نکاح ہوسکتا ہے۔
ہاں! اگر عورت عدت گزار کر کسی اور مرد سے نکاح کرے اور اس سے ازدواجی تعلقات قائم کرے، پھر وہ اسے اپنی مرضی سے طلاق دیدے یا اس کا انتقال ہوجائے تو پھر وہ عورت عدت گزار کر اگر آپ سے نکاح کرنا چاہے تو کرسکتی ہے۔