سوال:
میں مسافر ہوں، نماز میں قصر کرتا ہوں، ایک جگہ جماعت میں امام کے ساتھ آخری دو رکعت میں شریک ہوا، ایسی صورت میں میرے لیے صرف یہی دو رکعت کافی ہیں یا گزری ہوئی دو رکعت بھی پڑھنا ہوں گی؟
جواب: واضح رہے اگر کوئی مسافر کسی مقیم امام کے پیچھے نماز پڑھے تو اسے امام کے ساتھ پوری نماز پڑھنی ہوگی، لہذا پوچھی گئی صورت میں آپ کو امام کے سلام پھیرنے کے بعد مزید دو رکعتیں ملاکر چار رکعتیں پوری پڑھنی ہوں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الهداية: (81/1، ط: دار احیاء التراث العربی)
وإن اقتدى المسافر بالمقيم في الوقت أتم أربعا " لأنه يتغبر فرضه إلى أربع للتبعية كما يتغير بنية الإقامة لاتصال المغير بالسبب وهو الوقت۔
العناية شرح الهداية: (433/1، ط: دار الكتب العلمية)
وعلى هذا إذا اقتدى مسافر بمقيم في الوقت ( أتم ) صلاته ( أربعا لأنه ) التزم المتابعة لمن فرضه الأربع ، ومن التزم المتابعة لمن فرضه أربع ( يتغير فرضه إلى أربع للتبعية كما يتغير بنية الإقامة)۔
واللہ تعالٰی اعلم بالصواب
دارالافتاء الاخلاص،کراچی