سوال:
میرے میراث سے متعلق دو سوالات ہیں:
۱) میری پہلی بیوی فوت ہوگئی اور اس سے کوئی اولاد بھی نہیں تھی، پھر اس کے بعد میں نے دوسری شادی کر لی تھی تو کیا میرے مرنے کے بعد میری پہلی بیوی کو میری وراثت سے کچھ حصہ ملے گا؟
۲) میری پہلی بیوی کے والد کی وراثت ابھی تقسیم نہیں ہوئی تھی کہ میری بیوی کا انتقال ہوگیا تھا، معلوم یہ کرنا ہے کہ جب اس کے والد کی وراثت تقسیم ہوگی تو کیا مجھے اس میں کوئی حصہ ملے گا؟
جواب: ۱) سوال میں پوچھی گئی صورت میں آپ کی زندگی میں فوت ہوجانے والی بیوی کا آپ کی میراث میں کوئی حصہ نہیں ہے۔
۲) آپ کی مرحومہ بیوی کو اپنے مرحوم والد کی میراث میں سے حصہ ملے گا جو ان کے شرعی ورثاء میں شریعت کے میراث کے قانون کے مطابق تقسیم ہوگا، اور اس میں سے بطورِ خاوند آپ کو بھی حصہ ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (النساء، الایة: 12)
وَلَكُمْ نِصْفُ مَا تَرَكَ أَزْوَاجُكُمْ إِن لَّمْ يَكُن لَّهُنَّ وَلَدٌ ...الخ
رد المحتار: (758/6، ط: دار الفکر)
وشروطه ثلاثة: موت مورث حقيقةً أو حكمًا كمفقود أو تقديرًا كجنين فيه غرة، ووجود وارثه عند موته حيًّا حقيقةً أو تقديرًا كالحمل، والعلم بجهل إرثه.
واللہ تعالٰی اعلم بالصواب
دارالافتاء الاخلاص،کراچی