سوال: حدیث مبارکہ میں ہے جس کا مفہوم یہ ہے کہ:"سورہ کہف کی اول و آخر دس دس آیات پڑھنے والا دجال کے فتنہ سے محفوظ رہے گا"۔ اس ضمن میں دریافت طلب مسئلہ یہ ہے کہ یہ اول و آخر دس دس آیات چوبیس گھنٹے میں صرف صبح کے معمولات میں پڑھنی ہیں یا صبح و شام پڑھنی ہیں؟

جواب: سورہ کہف جمعہ کی رات یا پھر جمعہ کے دن پڑھنی چاہیے اور جمعہ کا دن سورج غروب ہونے کے وقت ختم ہوجاتا ہے تو اس بنا پر سورہ کہف پڑھنے کا وقت جمعرات والے دن سورج غروب ہونے سے لے کر جمعہ والے دن سورج غروب ہونے تک ہوگا اور صبح یا شام کسی بھی وقت پڑھنے سے یہ فضیلت حاصل ہوجائے گی۔