سوال: واش بیسن کے سامنے لگے ہوئے آئینے میں اپنی شبہیہ پر نظر پڑنے سے وضو مکمل ہوگا یا وضو دوبارہ کسی اور جگہ کرنا ہوگا؟

جواب: واضح رہے کہ آئینہ دیکھنا ان چیزوں میں سے نہیں ہے، جن کی وجہ سے وضو ٹوٹ جاتا ہے، بلکہ یہ لوگوں کا اپنا بنایا ہوا ایک خود ساختہ مسئلہ ہے کہ آئینہ دیکھنے سے وضو ٹوٹ جاتا ہے، شریعت میں اس کی کوئی اصل نہیں ہے، لہذا واش بیسن کے سامنے لگے ہوئے آئینے میں اپنی شبیہ دیکھنے سے وضو پر کوئی اثر نہیں پڑے گا، بشرطیکہ وضو کو توڑنے والی کوئی اور چیز نہ پائی جائے۔