سوال: السلام علیکم و رحمۃ اللہ و برکاتہ " ڈیری ملک کمپنی" کی مصنوعات کو بیچنا شرعا کیسا ہے؟

جواب: جو ” ڈیری ملک “ پاکستان یا کسی اسلامی ملک مثلاً : ملائیشیا وغیرہ میں بنائی جاتی ہے، اگر ان ممالک میں حرام اجزاء” ڈیری ملک “ میں نہیں ملائے جاتے ہوں، تو ایسی ڈیری ملک بلا تردد کھا سکتے ہیں۔
اور جو” ڈیری ملک “ کسی غیر مسلم ملک میں بنی ہو اور اسے وہاں سے درآمد کیا گیا ہو، تو اس میں حرام اجزاء جیسے: ” جیلیٹن “ وغیرہ ملانے کا احتمال اور شک ہوتا ہے، لہذا اس کے کهانے سے احتراز کرنا چاہیے۔
ہاں ! اگر یقین اورتحقیق کے ساتھ معلوم ہوجائےکہ اس میں حرام اجزاء شامل ہیں، تو اس کا استعمال ناجائز ہوگا۔
واضح رہے کہ جو حکم اس کے کهانے کا ہے، وہی حکم اس کی خرید و فروخت کا ہے۔