سوال:
مفتی صاحب! جمعے کے دن بازار سے اذان جمعہ کے بعد بریانی خرید کر کھا رہا تھا تو ایک صاحب کہنے لگے کہ جمعے کی اذان کے بعد خرید و فروخت منع ہے، لہذا یہ بریانی حرام ہے مت کھاؤ۔ کیا ایسا ہے؟
جواب: واضح رہے کہ جمعہ کے دن اذانِ اول کے بعد ہر ایسا فعل جو جمعہ کی نماز کے لیے جانے میں رکاوٹ بنے ممنوع (مکروہ تحریمی) ہے، لہذا پوچھی گئی صورت میں بریانی خریدنا بھی مکروہ تحریمی ہے، البتہ خریداری سے چونکہ ملکیت ثابت ہو جاتی ہے، اس لیے بریانی کھانے کو حرام کہنا درست نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (1/161، ط: سعيد)
(ووجب سعي إليها وترك البيع) ولو مع السعي، في المسجد أعظم وزرا (بالأذان الأول)۔
(قوله وترك البيع) أراد به كل عمل ينافي السعي وخصه اتباعا للآية۔
فتح القدیر: (438/6، ط: رشیدیة)
واللّٰه تعالٰی اعلم بالصواب
دارالافتاء الاخلاص،کراچی