سوال:
السلام علیکم، جناب کیا لڑکی اور لڑکا اگر مذاق کرتے ہوئے یہ کہیں کہ تم مجھے تین بار قبول یا تین بار کہے اور لڑکی بھی قبول ہے کہے اور کوئی گواہ موجود نہ ہو تو کیا نکاح ہو جائے گا؟
جواب: نکاح منعقد ہونے کے لیے دو گواہوں کی موجودگی میں باقاعدہ ایجاب و قبول کرنا ضروری ہے، ورنہ نکاح نہیں ہوتا، لہذا صورتِ مسئولہ میں بغیر گواہوں کی موجودگی میں، آپس میں مذاق میں ایجاب و قبول کرنے سے نکاح منعقد نہیں ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الهداية: (کتاب النکاح، 304/2، ط: اشرفیة)
"ولاینعقد نکاح المسلمین إلا بحضور شاهدین حرین عاقلین بالغین مسلمین رجلین أو رجل، و امرأتین".
واللہ تعالٰی اعلم بالصواب
دارالافتاء الاخلاص،کراچی