سوال: محترم مفتی صاحب ! اگر کسی کو دعاء قنوت یاد نہ ہو، تو ایسا شخص وتر میں کیا پڑھ سکتا ہے؟

جواب: جس شخص کو دعاء قنوت یاد نہیں ہے، وہ دعائے قنوت یاد کرنے کی کوشش جاری رکھے اور یاد ہونے تک
" ربنا آتنا فی الدنیا حسنة وفى الآخرة حسنة وقنا عذاب النار " یا کوئی اور دعائے مأثورہ پڑھ لے، اور اگر یہ بهی یاد نہ ہو، تو " اللّٰھم اغفرلی " تین مرتبہ پڑھ لے، یہ بھی یادنہ ہو، تو تین دفعہ " یا رب " پڑھ لے تو واجب ادا ہوجائے گا، لیکن جو مسنون الفاظ دعائے قنوت میں منقول ہیں، ان کی فضیلت حاصل نہ ہوسکے گی، اس لئے دعائے قنوت یاد کرنے کی کوشش کرتے رہنا چاہئے۔