سوال:
اگر آفس میں کسی غیر مسلم کے ہاں کوئی فوت ہو جائے، تو کیا کہنا چاہیے سوگوار سے؟
جواب:
غیر مسلم کی بیمار پرسی اور اس کے مرنے پر اس کے گھر والوں سے تعزیت کرنا اور تسلی کے کلمات کہنا جائز ہے، لیکن غیر مسلم کی تجہیز و تکفين میں شرکت اور اس کی قبر پر جانا یا اس کے لئے دعائے مغفرت کرنا ناجائز ہے۔
اور تعزیت کرتے ہوئے اس طرح کہا جائے کہ"اللہ تعالی آپ کو اس سے بہتر بدلہ عطاء فرمائے اور اللہ آپ کی اصلاح فرمائے"
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (كتاب الحظر و الإباحة، 388/6، ط: سعید)
(قوله وجاز عيادته) أي عيادة مسلم ذميا نصرانيا أو يهوديا، لأنه نوع بر في حقهم وما نهينا عن ذلك، وصح أن النبي الله «عاد يهوديا مرض بجواره» ....جار يهودي أو مجوسي مات ابن له أو قريب ينبغي أن يعزيه، ويقول أخلف الله عليك خيرا منه، وأصلحك وكان معناه أصلحك الله بالإسلام يعني رزقك الإسلام ورزقك ولدا مسلما۔
واللہ تعالٰی اعلم بالصواب
دارالافتاء الاخلاص،کراچی