سوال: مفتی صاحب! ہمارے گیزر میں بھول چوک سے ناپاک پانی چلا گیا ہے، اب اس گیزر اور پانی کو کیسے پاک کیا جائے گا؟

جواب: پوچھی گئی صورت میں ناپاک گیزر کو پاک کرنے کا طریقہ یہ ہے کہ ایک طرف سے اس میں صاف پانی داخل کیا جائے اور دوسری طرف سے اس کا پانی جاری کردیا جائے، جب اس قدر پانی اس میں سے گزر جائے کہ نکلنے والے پانی سے نجاست کی بدبو زائل ہوجائے اور پانی کا رنگ اور مزہ اپنی طبعی حالت پر لوٹ آئے تو یہ پانی اور گیزر پاک شمار ہوگا۔