سوال:
حضرت ! مثانہ کا آپْریشَن کرایا ہے، خون کی وجہ سے کپڑے پاک نہیں رہ پاتے، بار بار تبدیلی مشکل ہے، انہی کپڑوں میں نماز ہو جائے گی ؟
جواب: صورت مسئولہ میں کپڑا پاک کرنے کے حکم میں یہ تفصیل ہے کہ اگر اتنا وقفہ ملتا ہو کہ کپڑا دھوکر نماز پڑھے اور نماز کے درمیان وہ دوبارہ ناپاک نہ ہوتا ہو، تب تو اس کپڑے کا دھونا واجب ہوگا، اور اگر یہ حالت ہو کہ کپڑا دھو کر نماز پڑھنے کے درمیان وہ پھر ناپاک ہوجاتا ہو تو اس صورت میں کپڑا دھونا واجب نہیں ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (306/1، ط: سعید)
'وإن سال علی ثوبه فوق الدرهم جاز له أن لا یغسله إن کان لو غسله تنجس قبل الفراغ منها، أی الصلاة، وإلا یتنجس قبل فراغه، فلا یجوز ترک غسله، هو المختار للفتویٰ'۔
واللہ تعالٰی اعلم بالصواب
دارالافتاء الاخلاص،کراچی