سوال: ایک آدمی کے چار بیٹیاں اور ایک بیٹا تھا، اب ہوا یوں کہ بیٹا اپنے ماں باپ کی زندگی سے پہلے فوت ہو گیا اور بیٹے کی شادی ہوئی تھی، بیٹے کا ایک بیٹا موجود ہے، اس کے بعد اس کے والد اور والدہ بھی دنیا سے چلے گئے ہیں، پیچھے چار بہنیں اور ایک فوت شدہ بھائی کا بیٹا اور اس کی بیوہ موجود ہے تو اب میراث ان میں کس طریقے سے تقسیم کی جائے گی؟ آیا اس فوت شدہ بھائی کے بیٹے اور اس کے بیوہ کو کچھ ملے گا یا نہیں؟ اگر ملے گا تو کس حساب سے تقسیم ہوگا؟

جواب: مرحومین کی تجہیز و تکفین کے جائز اور متوسط اخراجات، قرض کی ادائیگی اور اگر کسی غیر وارث کے لیے جائز وصیت کی ہو تو ایک تہائی (1/3) میں وصیت نافذ کرنے کے بعد کل جائیداد کو چھ حصوں میں تقسیم کیا جائے گا، جس میں سے چاروں بیٹیوں میں سے ہر ایک کو ایک (1)، اور پوتے کو دو (2) حصے ملیں گے، جبکہ مرحوم بیٹے کی بیوہ کو اپنے ساس سسر کی میراث میں سے کچھ حصہ نہیں ملے گا۔
اگر فیصد کے اعتبار سے تقسیم کریں تو چاروں بیٹیوں میں سے ہر ایک کو %16.66 فیصد حصہ اور پوتے کو %33.33 فیصد حصہ ملے گا۔