سوال:
سوال یہ ہے کہ میرے شوہر کا پانچ مہینے پہلے انتقال ہوگیا ہے، اور انہوں نے میرا حق مہر آج تک ادا نہیں کیا ہے، اور نہ ہی میں نے حق مہر معاف کیا ہے، تو کیا میں ان کی میراث سے حق مہر کے بقدر رقم لے سکتی ہوں؟
جواب: واضح رہے کہ بیوی کا مہر شوہر پر واجب ہوتا ہے، جو شوہر کے ذمہ قرض ہوتا ہے، اگر شوہر اپنی زندگی میں بیوی کا مہر ادا نہ کرے، اور نہ ہی بیوی حق مہر معاف کرے، تو شوہر کے انتقال کے بعد شوہر کی میراث میں سے بیوی کا حق مہر ادا کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (303/1- 304، ط: دار الکتب العلمیة)
والمهر يتأكد بأحد معان ثلاثة: الدخول، والخلوة الصحيحة، وموت أحد الزوجين سواء كان مسمى أو مهر المثل حتى لا يسقط منه شيء بعد ذلك إلا بالإبراء
واللہ تعالٰی اعلم بالصواب
دارالافتاء الاخلاص،کراچی