سوال: محترم مفتی صاحب ! السلام علیکم و رحمۃ اللہ، کمزوری اور ضعف عمر کی وجہ سے فرش پر بیٹھ کر بمشکل 8 تراویح پڑھ سکنے والے افراد کیا کرسی پر بیٹھ کر 20 تراویح پڑھ سکتے ہیں؟ جبکہ فرائض تو کھڑے ہوکر ہی پڑھتے ہیں۔
یاد رہے زیادہ دیر فرش پر نہیں بیٹھ سکتے، مگر کرسی کی اجازت ہو جائے تو 20 مکمل کرلیں گے، مگر مقامی امام صاحب کہتے ہیں کہ کرسی کی رعایت صرف جوڑوں کے درد والوں کے لئے ہے، تراویح فرض واجب نہیں، نہ پڑھ سکتے ہوں تو نہ پڑھیں، کرسی کی اجازت نہیں۔

جواب: تراویح کی نماز سنت مؤکدہ ہے اور سنت مؤکدہ معمولی عذر اور بغیر عذر کے  بیٹھ کر پڑھنا جائز ہے، چاہے زمین پر بیٹھ کر پڑھے یا کرسی پر بیٹھ کر پڑھے، لیکن واضح رہے کہ کرسی پر بیٹھ کر نماز پڑھنے کی صورت میں اگر رکوع و سجدہ پر قادر ہو تو رکوع و سجدہ کرنا ضروری ہوگا، اشارہ کافی نہیں ہوگا۔