سوال: السلام علیکم،
اگر رات کو وتر کی نماز نہیں پڑھ سکے اور صبح فجر کی سنتیں پڑھنے کے بعد یاد آیا کہ وتر تو نہیں پڑھی، تو کیا فجر کی فرض سے پہلے وتر پڑھ سکتے ہیں؟

جواب: فجر کی سنت کے بعد فوت شدہ وتر کی قضاء پڑھ سکتے ہیں۔
لما فی الترمذی:
عَنْ اَبِی سَعِیدِ الخُدری قَالَ قَالَ رَسُولُ اللّٰہ صلى الله عليه وسلم : مَنْ نَامَ عَنْ وِتْرِہِ اَوْ نَسِیَہُ فَلْیُصَلِّہِ اِذَا ذَکَرَہ۔
ترجمہ:          
حضرت ابو سعید خدری رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا : جو شخص وتر سے سوتا رہ جائے یا بھول جائے تو جب یاد آئے (یا وہ جاگے) تو اسی وقت پڑھ لے۔
(ترمذی،کتاب الصلاۃ عن رسول اللہ ﷺ،باب ماجاء فی الرجل ینام عن الوتر او ینساہ، حدیث:۴۶۵)