سوال:
رمضان المبارک کی بارہویں شب میں ایک سو ایک مرتبہ درود ابراہیمی پڑھ کر، دو دو کر کے بارہ رکعت اس طرح پڑھیں کہ ہر رکعت میں سورہ فاتحہ پڑھنے کے بعد بارہ مرتبہ سورہ فیل پڑھیں، پھر نماز کے بعد ایک سو ایک مرتبہ درود ابراہیمی پڑھ کر ان سب کا ثواب حضور اکرم صلی الله عليه وسلم کو پہنچا کر دعا کریں اور کسی سے بات کیے بغیر سوجائیں۔
رشتہ کے لیے مجرب ہے۔ مفتی رفیع عثمانی صاحب
کیا اس پر عمل کر سکتے ہیں؟
جواب: یہ بزرگوں کے تجربات میں سے ہے، سنت اور واجب سمجھے بغیر اس پر عمل کرنے کی گنجائش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
حجۃ اللّٰه البالغۃ: (300/2، ط: دار الجیل)
وأما الرقي فحقيقتها التمسك بكلمات لها تحقق في المثل وأثر، والقواعد الملية لا تدفعها ما لم يكن فيها شرك لا سيما إذا كان من القرآن أو السنة أو مما يشبههما من التضرعات إلى الله.
واللہ تعالٰی اعلم بالصواب
دارالافتاء الاخلاص،کراچی