سوال: السلام عليكم، حضرت ! میں نے یہ معلوم کرنا ہے کہ جیسے رمضان شریف میں ہر جگہ 6 روزہ، 10 روزہ، 15 روزہ تراویح کا اہتمام کیا جاتا ہے، یہ کہیں سے ثابت ہے؟ اگر ثابت ہے تو ذرا رہنمائی فرما دیجئے۔ جزاک اللہ

جواب: تروایح میں ایک قرآن کریم ختم کرنا سنت ہے اور اتنے دن میں ختم کرنا افضل ہے، جو مقتدیوں پر بھاری نہ گذرے، اگر زیادہ پڑھنا مقتدیوں پر بھاری گذرتا ہے، تو جلدی ختم کرنا افضل نہ ہوگا اور یہ بات بھی واضح رہے کہ پانچ، دس دن میں ختم کرنے بعد بھی مابقیہ دنوں میں تراویح کا سلسلہ جاری رکھا جائے، کیونکہ نفس تراویح پڑھنا آخری رمضان تک مسنون ہے اور تراویح کا سلسلہ رمضان ختم ہونے سے پہلے منقطع کر دینا صحیح نہیں ہے۔