سوال:
مفتی صاحب ! جو آدمی یا عورت رمضان کے آخری عشرے میں انتقال کر جائے تو کیا وہ بلا حساب وکتاب جنت میں داخل ہو جائیں گے؟
جواب: "ماہ رمضان کے آخری عشرے میں وفات پانے والا شخص سیدھا جنت میں جاتا ہے اور قیامت کے دن اس کا کوئی حساب کتاب نہیں ہوگا“ یہ مضمون تلاش بسیار کے بعد بھی احادیث میں نہیں مل سکا، تاہم رحمتِ خداوندی سے بعید بھی نہیں ہے کہ اِس مبارک مہینے کی برکت سے اس ماہ میں انتقال کرنے والے ایمان والوں کے ساتھ یہ معاملہ کیا جائے۔
البتہ ماہ رمضان میں فوت ہونے والے کے اوپر سے عذابِ قبر اٹھا لیا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحیح البخاری: (25/3، ط: دار طوق النجاة)
عن ابن شهاب، قال: أخبرني ابن أبي أنس، مولى التيميين: أن أباه، حدثه أنه، سمع أبا هريرة رضي الله عنه، يقول: قال رسول الله صلى الله عليه وسلم: «إذا دخل شهر رمضان فتحت أبواب السماء، وغلقت أبواب جهنم، وسلسلت الشياطين»
رد المحتار: (165/2، ط: دار الفکر)
قال أهل السنة والجماعة: عذاب القبر حق وسؤال منكر ونكير وضغطة القبر حق لكن إن كان كافرا فعذابه يدوم إلى يوم القيامة ويرفع عنه يوم الجمعة وشهر رمضان
واللہ تعالٰی اعلم بالصواب
دارالافتاء الاخلاص،کراچی