سوال:
السلام علیکم، مفتی صاحب! محمد مشہود نام کا کیا مطلب ہے اور کیا یہ نام رکھ سکتے ہیں؟
جواب: "مَشْہُوْد" (میم کے زبر، شین کے جزم، ہا پر پیش اور واؤ کے جزم کے ساتھ) عربی زبان کا لفظ ہے، جس کا معنی ہے "لائقِ ذکر"، اس معنی کے اعتبار سے بچے کا نام "مُحَمَّد مَشْہُوْد" رکھنا درست ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مسند البزار: (رقم الحدیث: 8540، 176/15، ط: مكتبة العلوم و الحكم)
عَن أبي هُرَيرة؛ أَنَّ رَسُولَ اللهِ صَلَّى اللَّهُ عَلَيه وَسَلَّم قال: "إن من حق الولد على الوالد أن يحسن اسمه ويحسن أدبه".
القاموس الوحید: (ص: 894، ط: ادرہ اسلامیات)
المشہود: لائقِ ذکر۔
واللّٰه تعالٰی اعلم بالصواب
دارالافتاء الاخلاص،کراچی