سوال:
مفتی صاحب! کیا آیت کریمہ کا وظیفہ چھوٹے بچے کرسکتے ہیں؟ اگر نہیں کرسکتے تو کس عمر کے بچے کرسکتے ہیں، براہ کرم عمر کی حد بتا دیں؟
جواب: واضح رہے کہ آیتِ کریمہ کا وظیفہ کرنے کے لیے عمر کی کوئی حد مقرر نہیں ہے، بلکہ آیتِ کریمہ کو صحیح طرح سے پڑھنے والا کوئی بھی بچہ ادب و احترام کو ملحوظ رکھتے ہوئے وظیفہ کے طور پر اس کو پڑھ سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
روح المعاني: (82/9، ط: دار الکتاب الاسلامی)
عن سعد بن أبي وقاص رضي الله عنه عن النبي صلی الله علیه وسلم قال: دعوة ذي النون إذ هو في بطن الحوت ”لا إِلٰهَ إِلاَّ أنتَ سُبحانَک إني کنتُ مِنَ الظَّالمِین“ لم یدع بها مسلم ربه في شيء قط إلا استجاب له.
واللّٰه تعالٰی اعلم بالصواب
دارالافتاء الاخلاص،کراچی