سوال: مفتی صاحب! ایک سال پہلے میری بیوی کا انتقال ہوا ہے، اور میری بیوی نے پیچھے کچھ زیورات اور سامان چھوڑا ہے، اب بیوی کے والدین بیوی کے زیورات اور سامان کو واپس لینے کا مطالبہ کررہے ہیں، سوال یہ ہے کیا میری بیوی کے والدین زیورات اور سامان واپس لے کر استعمال میں لا سکتے ہیں، یا اس بارے میں شریعت کا کیا حکم ہے؟

جواب: واضح رہے کہ لڑکی کو شادی کے موقع پر جو کچھ والدین کی طرف سے جہیز کے طور پر دیا جاتا ہے، لڑکی اس کی مالک بن جاتی ہے، اور لڑکی کی وفات کے بعد والدین اس جہیز کو واپس لینے کے حقدار نہیں ہیں، بلکہ وہ جہیز لڑکی کا ترکہ ہے، جو شرعی حصوں کے بقدر ورثاء کے درمیان تقسیم ہوگا۔