سوال:
السلام علیکم ورحمۃاللہ، مفتی صاحب ! کسی کے روزے کی حالت میں گردے میں اچانک شدید درد ہو اور اس کے گردے یا مثانے میں پتھری ہو تو اس صورت میں اس کے روزہ افطار کرانے کی کیا صورت ہوگی؟ ابھی روزہ افطار کرنے میں 7 گھنٹے باقی ہیں۔
ڈاکٹر کا کہنا ہے کہ الٹراساؤنڈ کروا لیا جائے تو زیادہ بہتر صورت پتا چلے گی، اس کے بعد ڈرپ یا انجکشن لگانے کا فیصلہ ہوگا اور الٹرا ساونڈ کروانے کے لئے پانی پینا ضروری ہے، شرعی حکم کیا ہوگا؟
جواب: اگر مرض کی شدت زیادہ ہو اور دیندار ڈاکٹر روزہ توڑنے کا کہے تو روزہ توڑنے کی گنجائش ہے، البتہ بعد میں قضاء کرنی ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (207/1، ط: دار الفکر)
(ومنها المرض) المريض إذا خاف على نفسه التلف أو ذهاب عضو يفطر بالإجماع، وإن خاف زيادة العلة وامتدادها فكذلك عندنا، وعليه القضاء إذا أفطر كذا في المحيط. ثم معرفة ذلك باجتهاد المريض والاجتهاد غير مجرد الوهم بل هو غلبة ظن عن أمارة أو تجربة أو بإخبار طبيب مسلم غير ظاهر الفسق كذا في فتح القدير.
واللہ تعالٰی اعلم بالصواب
دارالافتاء الاخلاص،کراچی