سوال: کیا بدعتی امام کے پیچھے ان کی مسجد میں نماز پڑھ سکتے ہیں؟

جواب: اگر کسی اہل بدعت امام کے عقائد شرکیہ ہوں، تو اس کی اقتدا میں نماز ادا ہی نہیں ہوگی، لیکن اگر اس کے عقائد شرکیہ نہ ہوں، تو بدعات کے ارتکاب کی وجہ سے اس کی اقتدا میں نماز پڑھنا مکروہ ہے، البتہ اگر قرب و جوار میں ایسی مسجد نہ ہو، جہاں صحیح العقیدہ متبع سنت امام میسر ہو، بلکہ اہل بدعت کی مسجد ہو، تو جماعت کی فضیلت حاصل کرنے کے لیے اور امت میں انتشار کے فتنے سے بچنے کے لیےایسے امام کی اقتدا میں نماز ادا کرنا اکیلے نماز پڑھنے سے بہتر ہے۔