سوال:
السلام علیکم، حضرت ! مجھے بالغ ہونے کے بعد کئی سال تک یہ پتہ نہیں تھا کہ فرض نماز کی تیسری اور چوتھی رکعت میں سورۃ فاتحہ کے بعد سورت نہیں پڑھی جاتی، اور میں کئی سال تک سورہ فاتحہ کے بعد سورت ہی پڑھتا رہا، اب کیا ان نمازوں کی قضا کرنی ہوگی؟
جواب: اگر کسی نے فرض کی تیسری اور چوتھی رکعت میں سورة فاتحہ کے ساتھ سورت پڑھ لی تو نماز ادا ہوجائے گی اور سجدہ سہو بھی لازم نہیں ہوگا اور نہ ہی اس کی قضاء کرنی پڑے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (491/1، ط: دار الفکر)
(قرأ المصلي لو إماما أو منفردا الفاتحة و) قرأ بعدها وجوبا (سورة أو ثلاث آيات) ولو كانت الآية أو الآيتان تعدل ثلاث آيات قصارا
و فیہ ایضا: (511/1، ط: دار الفکر)
(واكتفى) المفترض (فيما بعد الأوليين بالفاتحة) فإنها سنة على الظاهر، ولو زاد لا بأس به (وهو مخير بين قراءة) الفاتحة وصحح العيني وجوبها (وتسبيح ثلاثا) وسكوت قدرها، وفي النهاية قدر تسبيحة، فلا يكون مسيئا بالسكوت (على المذهب) لثبوت التخيير۔
واللہ تعالٰی اعلم بالصواب
دارالافتاء الاخلاص،کراچی