سوال:
أيام بيض (چاندنی تاریخوں) کے روزے فضیلت میں سیدنا ابوذر فرماتے ہیں کہ رسول اللہ صلی اللہ علیہ وسلم نے مجھے چاند کی 13, 14 اور 15 تاريخ كے روزے رکھنے کی وصیت فرمائی)
الترمذي (761) النسائي (2424)
ان روزوں کے دن اور تاریخ پاکستان میں ہیں
بدھ ۱۷ جولائی
جمعرات۔ ۱۸ جولائی
جمعہ۔ ۱۹جولائی
"في الجنة هناك بوابة تسمى الريان ، يدخل من خلالها الصائمون ، ولا يدخلها أحد آخر. بعد دخولهم ، سيتم قفله ولن يدخله أحد آخر ". (البخاري ، الفتح ، رقم 1797).
کیا یہ روزے رکھنے چاہیں؟
جواب: جی ہاں ! ایامِ بیض (قمری مہینے کی 13، 14، 15 تاریخ) کے روزے رکھنا مستحب ہیں، ان کا رکھنا فضیلت کا باعث ہے۔
حضرت ابو قتادہ رضی اللہ عنہ سے مروی حدیث ہے کہ حضور نبی اکرم صلی اللہ علیہ وآلہ وسلم نے فرمایا :
صَوْمُ ثَلَاثَةٍ مِنْ کُلِّ شَهْرٍ، وَرَمَضَانَ إِلَی رَمَضَانَ صَوْمُ الدَّهْرِ.
ترجمہ: ہر ماہ تین دن کے روزے رکھنا اور ایک رمضان کے بعد دوسرے رمضان کے روزے رکھنا یہ تمام عمر کے روزوں کے مترادف ہے۔
(صحیح مسلم، کتاب الصيام، باب استحباب صيام ثلاثة أيام من کل شهر، 2 : 819، رقم : 1162)
لما فی الصحیح البخاری:
عن أبی ہریرۃ رضی اللہ عنہ قال: أوصانی خلیلی صلی اللہ علیہ وسلم بثلاث: صیام ثلٰثۃ أیام من کل شہر، ورکعتی الضحیٰ، وأن أوتر قبل أن أنام۔ (بخاری شریف کتاب الصوم ، باب صیام البیض،)
ترجمہ: ابو ہریرہ رضی اللہ عنہ فرماتے ہیں کہ مجھے میرے خلیل صلی اللہ علیہ وسلم نے تین باتوں کی وصیت کی ہے، ہر مہینے تین روزے رکھنے کی، چاشت کی نماز پڑھنے کی اور سونے سے پہلے وتر پڑھنے کی۔
واللہ تعالٰی اعلم بالصواب
دارالافتاء الاخلاص،کراچی