سوال:
مردے کو ایک دفعہ غسل دینے کے بعد پوسٹ مارٹم کیا گیا تو اب دوبارہ غسل دیا جائے گا یا نہیں؟
جواب: واضح رہے کہ پوسٹ مارٹم میں انسان کی سخت بے حرمتی اور بے حجابی پائی جاتی ہے، اس لیے شریعت نے عام حالات میں اس کی اجازت نہیں دی ہے، لہذا اس سے اجتناب کرنا چاہیے۔
بہرکیف! ایک مرتبہ میت کو مسنون طریقے سے غسل دینے کے بعد دوبارہ غسل دینا واجب نہیں ہے، لہذا غسل کے بعد اگر جسم کے کسی حصے سے خون وغیرہ نکلے، تو اسے روئی یا کپڑے کے ذریعے بند کر دیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (الفصل الثانی فی الغسل، 158/1)
"والواجب ہو الغسل مرۃ واحدۃ… فان خرج منہ شیٔ غسلہ ولا یعید غسلہ ولا وضوءہ ثم ینشفہ بثوب کیلا تبتل اکفانہ".
الدر المختار مع رد المحتار: (853/1)
"و لا بأس بجعل القطن علی وجھہ و فی مخارقہ کدبر و قبل و اذن و فم".
الدر المختار: (197/2، ط: سعید)
"ولا یعاد غسلہ و لا وضؤہ بالخارج منہ".
واللہ تعالٰی اعلم بالصواب
دارالافتاء الاخلاص،کراچی