سوال:
مفتی صاحب ! روزہ کی حالت میں انجکشن لگانے سے روزہ ٹوٹ جاتا ہے یا نہیں؟
جواب: واضح رہے کہ انجکشن خواہ رگ(Vein ) میں لگایا جائے یا گوشت(Muscle ) میں، اس سے روزہ نہیں ٹوٹتا، کیونکہ انجکشن میں مسامات (pores )کے ذریعے دوا بدن میں پہنچائی جاتی ہے، اس لیے انجکشن روزہ توڑنے والا نہیں، یہ ایسے ہی ہے، جیسے غسل یا زہریلے جانور کے کاٹنے کا اثر بدن میں سرایت کرجاتا ہے، مگر روزہ توڑنے والا نہیں، البتہ تندرست آدمی کا طاقت کے لیے یا تازہ دم (Fresh) ہونے کے لیے انجکشن لگوانا مکروہ تنزیہی (خلافِ اولیٰ ) ہے، مگر روزہ اس سے نہیں ٹوٹتا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (395/2، ط: دار الفکر)
لأن الموجود في حلقه أثر داخل من المسام الذي هو خلل البدن والمفطر إنما هو الداخل من المنافذ للاتفاق على أن من اغتسل في ماء فوجد برده في باطنه أنه لا يفطر وإنما كره الإمام الدخول في الماء والتلفف بالثوب المبلول لما فيه من إظهار الضجر في إقامة العبادة لا؛ لأنه مفطر. اه.
الھندیۃ: (203/1، ط: دار الفکر)
وما يدخل من مسام البدن من الدهن لا يفطر هكذا في شرح المجمع.
واللہ تعالٰی اعلم بالصواب
دارالافتاء الاخلاص،کراچی