سوال: السلام علیکم، مفتی صاحب ! عرض یہ ہے کے ہمارے محلہ میں ایک بندے نے خودکشی کی، جس کی وجہ سے اس کا انتقال ہوگیا، پھر ایک محلہ کے امام نے کہا خودکشی کرنے والے کا نماز جنازہ نہیں ہوسکتا اور دلائل بھی دئیے اور پھر دوسری مسجد کے امام کو کہا انہوں پڑھایا اور نماز جنازہ کے حق میں دلائل بھی دئیے ہیں۔
آپ سے عرض یہ ہیکہ مجھے اپنی معلومات کے لیے پوچھنا ہے، ان میں سے کیا صیحیح ہے اور کیا غلط ہے؟ خوکشی والے کا جنازہ پڑھایا اور پڑھا جاسکتا ہے یا نہیں ؟
جزاک اللہ

جواب: واضح رہے کہ اگرکوئی شخص خودکشی کرے تو اس کا یہ فعل حرام ہے اورفاسق گناہ گارہوگا، لیکن کافرنہیں ہے، اس لیے اس کا جنازہ پڑھنا چاہیئے، البتہ دوسروں کو اس قبیح عمل سے بچانے کیلئے مقتدا قسم کے لوگ علماء اور مفتی حضرات وغیرہ کو نہیں پڑھنا چاہیئے، تاکہ اس عمل کی اہانت سب کو معلوم ہوجائے۔