سوال: مفتی صاحب! قربانی کی مشترکہ گائے کے حصے تقسیم کرنے کا شرعی طریقہ کیا ہے؟ رہنمائی فرمادیں۔

جواب: اگر جانور میں کئی حصہ دار ہوں تو گوشت وزن کرکے تقسیم کرنا ضروری ہے، اندازہ سے تقسیم کرنا جائز نہیں ہے، کیونکہ اگر اندازے سے تقسیم کرنے کی صورت میں حصوں میں کمی بیشی ہوگئی تو سود ہوجائے گا جو کہ حرام ہے، البتہ اگر گوشت کے ساتھ سری، پائے یا کلیجی بھی ہر حصہ میں رکھ دیے جائیں تو پھر وزن کیے بغیر اندازے سے تقسیم کرنا بھی جائز ہوگا۔