سوال: السلام علیکم، مفتی صاحب !
سوال ہے کہ اگر بندہ صاحب اولاد نا ہو اور کسی سےبچی یا بچہ لے اسلام میں ٹھیک ہے یا نہیں؟

جواب: کسی کے بچے کو اس کی اجازت سے گود لے کر پالنا شرعاً جائز ہے، البتہ اس بچے کا نسب اس کے حقیقی والد سے ثابت ہوگا، لہذا پالنے والے کا بچے کے نسب میں اپنا نام لکھنا، سخت گناہ ہے۔
البتہ بطورِ سرپرست اپنا نام لکھ سکتے ہیں۔
نیز لے پالک، گود لینے والے کا شرعا وارث نہیں ہوتاہے، لہذا وراثت میں اس کا حصہ بھی نہیں ہوگا ، بلکہ وہ اپنے حقیقی والدین کی طرف سے ملنے والی میراث کا حق دار ہوگا۔