سوال:
مفتی صاحب! سارے سر کے مسح کا کیا طریقہ ہے؟ رہنمائی فرمائیں۔
جواب: واضح رہے کہ وضو میں چوتھائی سر کا مسح کرنا فرض ہے اور پورے سر کا مسح کرنا سنت ہے، سر کے مسح کا مسنون طریقہ یہ ہے کہ تر ہتھیلی اور انگلیوں کو پیشانی پر رکھ کر مسح کرتے ہوئے گدی کی جانب لے جائیں پھر اسی طرح مسح کرتے ہوئے پیشانی کی جانب واپس لے آئیں، دونوں شہادت کی انگلیوں سے کانوں کے اندرونی حصے کا مسح کریں اور دونوں انگوٹھوں سے کانوں کے بیرونی حصے کا مسح کریں۔
دلائل۔۔۔۔۔۔۔۔۔۔۔
جامع الترمذي: ( ما جاء في مسح الرأس، رقم الحديث: ٣٢،ط:البشری)
عن عبداللہ إبن زید، أن رسول اللہ صلی اللہ علیہ وسلم مسح رأسه بيديه، فأقبل بهما وأدبر بدأ بمقدم رأسه ثم ذهب بهما إلى قفاه ثم ردهما حتى رجع الی المكان الذي بدأ منه، ثم غسل رجليه.
الهنديه : (الوضوء، ١/ ١٢ ، ط: رشيدية )
واللّٰه تعالٰی اعلم بالصواب
دارالافتاء الاخلاص، کراچی