سوال: السلام علیکم، اگر کوئی شخص بائیک چلاتا ہے، لیکن اس کے پاس لائسنس نہیں ہے، اگر اس کا ایکسیڈنٹ میں انتقال ہو جائے، تو کیا وہ خود کشی کے حکم میں ہوگا؟

جواب: اگر کوئی شخص  گاڑی چلانے کی مطلوبہ اہلیت رکھتا ہو، مگر لائسنس نہیں بنوایا ہو، تو حادثہ میں انتقال کرجانے کو خودکشی تو نہیں کہا جاسکتا ہے، البتہ یہ ملکی قانون کی خلاف ورزی ہے اور شرعاً حکومت کے اس طرح کے قوانین کا پاس ولحاظ کرنا واجب ہے، اور ان کی خلاف ورزی ناجائز اور ممنوع ہے۔