سوال:
مفتی صاحب! بیٹیوں کے نام حمنہ اور نور حرم رکھے جاسکتے ہیں یا نہیں؟ اور ان کا معنی کیا ہے؟
جواب: حمنہ (حاء زبر، میم ساکن، نون زبر اور ہاء کے سکون کے ساتھ) ایک مشہور صحابیہ رضی اللہ عنہا کا نام ہے، جو ام المومنین حضرت زینب بنت جحش رضی اللہ عنہا کی بہن تھی، اور اصحابِ رسول کے ناموں میں چونکہ معنی کو نہیں دیکھا جاتا بلکہ صحابیت کی نسبت ہی کافی ہوتی ہے، لہذا بچی کا نام "حمنہ" (Hamnah) رکھنا جائز ہونے کے ساتھ ساتھ باعث خیر وبرکت ہے۔
نورِ حرم (Noor e Haram) کا معنی ہے "حرم کی روشنی"، لہذا یہ نام رکھنا بھی جائز ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الاستيعاب في معرفة الأصحاب: (1813/4، ط: دار الجيل)
حمنة بنت جحش بن رياب الأسدية،(من بني أسد بن خزيمة، أخت زينب بنت جحش، كانت عند مصعب بن عمير) وقتل عنها يوم أحد فتزوجها طلحة بن عبيد الله، فولدت له محمدا وعمران ابني طلحة بن عبيد الله، وكانت حمنة ممن خاض في الإفك على عائشة وجلدت في ذلك مع من جلد فيه عند من صحح جلدهم، وكانت تستحاض هي وأختها أم حبيبة بنت جحش.
واللّٰه تعالٰی اعلم بالصواب
دارالافتاء الاخلاص،کراچی