سوال:
مفتی صاحب! بچے کے عقیقہ کے دو مہینے بعد نام تبدیل کردیا ہو تو اس صورت میں دوبارہ عقیقہ کرنا ہوگا یا پہلے کیا ہوا عقیقہ کافی ہوجائے گا؟
جواب: واضح رہے کہ نبی کریم ﷺنے کچھ ناموں کو تبدیل کیا، لیکن انہیں دوبارہ عقیقہ کرنے کی ترغیب نہیں دی، کیونکہ زندگی میں ایک ہی مرتبہ عقیقہ کرنا ثابت ہے، لہذا عقیقہ کرنے کے بعد اگر کسی وجہ سے بچہ کا نام تبدیل کرنا پڑجائے تو نام تبدیل کرنے سے عقیقہ پر کوئی اثر نہیں پڑتا ہے، پہلے کیا ہوا عقیقہ کافی ہوجاتا ہے،۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن ابی داؤد: (رقم الحدیث: 4954، ط: دار الرسالة العالمیة)
حدثنا مسدد، حدثنا بشر يعني ابن المفضل، قال: حدثني بشير بن ميمون، عن عمه اسامة بن اخدري، ان رجلا يقال له: اصر مكان في النفر الذين اتو الرسول الله صلى الله عليه وسلم، فقال رسول الله صلى الله عليه وسلم: ما اسمك، قال: انا اصرم، قال: بل انت زرعة
فیض الباری: (کتاب العقیقة، باب اماطۃ الاذی عن النبی فی العقیقة، 337/4، ط: رشیدیة)
ان الاضحیة سنویة و تلک ای العقیقة عمریة.
واللہ تعالٰی اعلم بالصواب
دارالافتاء الاخلاص،کراچی