سوال: مفتی صاحب ! مسئلہ یہ دریافت کرنا ہے کہ نماز جنازہ میں جب سلام پھیرتے ہیں تو ہاتھ پہلے کھولنے چاہئیں یا بعد میں؟ بعض لوگ ایک سلام پھیرتے ہیں تو ایک ہاتھ کھولتے ہیں، دوسرا پھیرتے ہیں تو دوسرا کھولتے ہیں اور بعض سلام پھیرنے سے پہلے ہی کھول دیتے ہیں، آیا ان میں کون سا طریقہ صحیح ہے؟ برائے مہربانی صحیح مسئلہ بتادیں۔

جواب: جنازہ کی نماز میں سلام کے وقت ہاتھ چھوڑنے کے تین طریقے ہیں اور تینوں میں سے جس پر عمل کیا جائے تو نماز جنازہ ہو جائے گی، ذیل میں انہیں بالترتیب لکھا جاتا ہے:
۱- چوتھی تکبیر کہہ کر سلام سے پہلے ہاتھ چھوڑ دیے جائیں۔
۲- چوتھی تکبیر کے کہہ کر دائیں سلام کے ساتھ دایاں ہاتھ چھوڑا جائے اور بائیں سلام کے ساتھ بایاں ہاتھ چھوڑا جائے۔
۳- چوتھی تکبیر کے بعد دونوں طرف سلام پھیرنے کے بعد دونوں ہاتھ چھوڑے جائیں۔
اکثر علماء کرام کی رائے اس تیسرے طریقے پر عمل کرنے کی ہے۔