سوال:
مفتی صاحب ! جس مرد سے خاتون نے خلع لے لیا ہو تو اس مرد سے دوبارہ نکاح ہو سکتا ہے؟
جواب: واضح رہے کہ خلع طلاقِ بائن کے حکم میں ہے، خلع سے نکاح ختم ہوجاتا ہے، ہاں ! دونوں کی رضامندی سے نئے مہر کے ساتھ دوبارہ نکاح ہوسکتا ہے۔ البتہ شوہر کو آئندہ کے لیے دو طلاق کا حق ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن الدار قطنی: (کتاب الطلاق، رقم الحدیث: 134، 45/4، ط: دار المعرفة)
عَنِ ابْنِ عَبَّاسٍ أَنَّ النَّبِىَّ صلى الله عليه وسلم جَعَلَ الْخُلْعَ تَطْلِيقَةً بَائِنَةً.
الدر المختار مع رد المحتار: (444/3)
(و) الخلع (ھو من الکنایات فیعتبر فیه ما یعتبر فیھا)
ويقع به تطليقة بائنة.
واللہ تعالٰی اعلم بالصواب
دارالافتاء الاخلاص،کراچی