سوال: کیا جگ میں ہاتھ ڈال کر اس میں سے پانی لے کر وضو کر سکتے ہیں، کیوںکہ اکثر لوگ منع کرتے ہیں کہ وضو کے برتن میں ہاتھ ڈال کر وضو نہیں کرنا چاہیے، اس لیے کہ اس پانی سے وضو نہیں ہوتا ہے؟

جواب: واضح رہے کہ وضو کے لیے پانی والے برتن میں ہاتھ ڈال کر چلو بھرنے سے پانی مستعمل نہیں ہوتا، لہذا ایسے پانی سے وضو کرسکتے ہیں، البتہ اگر جگ میں وضو کرنے سے مراد یہ ہو کہ جگ کے اندر ہی پانی میں ہاتھ ڈال کر ہاتھ دھویا جائے، اور اس کا پانی جگ ہی میں گرے، تو اس سے جگ کا پانی مستعمل ہوجائے گا اور مستعمل پانی راجح قول کے مطابق طاہر (پاک) تو ہے، لیکن مُطَہِّر(پاک کرنے والا) نہیں ہے،یعنی پھر یہ پانی دوسرے اعضاء کے دھونے کے لیے استعمال نہیں کیا جا سکتا۔