سوال:
السلام علیکم، محترم مفتی صاحب! اس سال سعودی عرب میں رمضان المبارک 28 فروری کو شروع ہونے کا امکان ہے، اگر کوئی شخص دن گیارہ بجے کی فلائٹ سے 28 فروری کو عمرہ کے لیے سعودی عرب جاتا ہے اور پاکستان میں 28 فروری کو رمضان شروع نہیں ہوا تو کیا اس شخص پر رمضان کا فرض روزہ رکھنا لازم ہے؟ جزاک اللہ خیرا
جواب: واضح رہے کہ چونکہ شخص مذکور سعودیہ عرب میں صبح صادق کے بعد پہنچے گا، اس لیے اس پر سعودیہ عرب میں اس دن کا روزہ فرض نہیں ہوگا، البتہ روزہ داروں کے سامنے کھانے پینے سے احتراز کرنا ضروری ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
بدائع الصنائع في ترتيب الشرائع: (کتاب الصوم، فصل شرائط انواع الصیام، 87/2، ط:دار الكتب العلمية)
وكذا إذا بلغ في يوم من رمضان قبل الزوال لا يجزئه صوم ذلك اليوم وإن نوى وليس عليه قضاؤه إذ لم يجب عليه في أول اليوم لعدم أهلية الوجوب فيه، والصوم لا يتجزأ وجوبا وجوازا ولما فيه من الحرج.
والله تعالٰی اعلم بالصواب
دارالافتاء الاخلاص کراچی